ໂຮງຮຽນເຕັກນິກ-ວິຊາຊີບແບບປະສົມນ້ຳບາກ ແຂວງຫຼວງພະບາງ ຕັ້ງຢູ່ບ້ານນ້ຳຖ້ວມເໜືອ ເມືອງນ້ຳບາກ ແຂວງຫຼວງພະບາງ ຫ່າງຈາກເທດສະບານຫຼວງພະບາງ ປະມານ 90 ກີໂລແມັດ ໄດ້ເລີ່ມສຳຫຼວດ ແລະບຸກເບີກ ປີ 2011 ໄດ້ເປີດການຮຽນ-ການສອນຢ່າງເປັນທາງການ ປີ 2013 ໃນເມື່ອກ່ອນເປັນ ສູນຝຶກອົບຮົມວິຊາຊີບນ້ຳຖ້ວມເມືອງນ້ຳບາກ ທີ່ຂື້ນກັບ ວິທະຍາໄລເຕັກນິກ-ວິຊາຊີບຫຼວງພະບາງ ມາຮອດປີ 2019 ໄດ້ໂອນສູນຝຶກອົບຮົມວິຊາຊີບນ້ຳຖ້ວມເມືອງນ້ຳບາກ ໄປຂື້ນກັບການຄຸ້ມຄອງຂອງພະແນກສຶກສາທິການ ແລະ ກິລາ ແຂວງຫຼວງພະບາງ ແລະ ໄດ້ຍົກລະດັບຂື້ນເປັນໂຮງຮຽນເຕັກນີກ-ວິຊາຊີບແບບປະສົມນໍ້າບາກ ແຂວງຫຼວງພະບາງ ຕາມຂໍ້ຕົກລົງຂອງລັດຖະມົນຕີກະຊວງສຶກສາທິການ ແລະ ກິລາ ສະບັບເລກທີ 1536/ສສກ, ລົງວັນທີ 30 ເມສາ 2019 ແລະ ປະກາດເປັນທາງການໃນມື້ວັນທີ 9 ທັນວາ 2019 .